تمام مال صدقہ کرنے کی اجازت
راوی: احمد بن صالح , عثمان بن ابی شیبہ , فضل بن دکین , ہشام بن سعد , زید بن اسلم , عمر
حَدَّثَنَا أَحْمَدُ بْنُ صَالِحٍ وَعُثْمَانُ بْنُ أَبِي شَيْبَةَ وَهَذَا حَدِيثُهُ قَالَا حَدَّثَنَا الْفَضْلُ بْنُ دُکَيْنٍ حَدَّثَنَا هِشَامُ بْنُ سَعْدٍ عَنْ زَيْدِ بْنِ أَسْلَمَ عَنْ أَبِيهِ قَالَ سَمِعْتُ عُمَرَ بْنَ الْخَطَّابِ رَضِيَ اللَّهُ عَنْهُ يَقُولُ أَمَرَنَا رَسُولُ اللَّهِ صَلَّی اللَّهُ عَلَيْهِ وَسَلَّمَ يَوْمًا أَنْ نَتَصَدَّقَ فَوَافَقَ ذَلِکَ مَالًا عِنْدِي فَقُلْتُ الْيَوْمَ أَسْبِقُ أَبَا بَکْرٍ إِنْ سَبَقْتُهُ يَوْمًا فَجِئْتُ بِنِصْفِ مَالِي فَقَالَ رَسُولُ اللَّهِ صَلَّی اللَّهُ عَلَيْهِ وَسَلَّمَ مَا أَبْقَيْتَ لِأَهْلِکَ قُلْتُ مِثْلَهُ قَالَ وَأَتَی أَبُو بَکْرٍ رَضِيَ اللَّهُ عَنْهُ بِکُلِّ مَا عِنْدَهُ فَقَالَ لَهُ رَسُولُ اللَّهِ صَلَّی اللَّهُ عَلَيْهِ وَسَلَّمَ مَا أَبْقَيْتَ لِأَهْلِکَ قَالَ أَبْقَيْتُ لَهُمْ اللَّهَ وَرَسُولَهُ قُلْتُ لَا أُسَابِقُکَ إِلَی شَيْئٍ أَبَدًا
احمد بن صالح، عثمان بن ابی شیبہ، فضل بن دکین ، ہشام بن سعد، زید بن اسلم، حضرت عمر رضی اللہ تعالیٰ عنہ سے روایت ہے کہ رسول صلی اللہ علیہ وآلہ وسلم نے ہم کو صدقہ کرنے کا حکم دیا اتفاق سے ان دنوں میرے پاس مال تھا میں نے اپنے دل میں کہا کہ آج میں ابوبکر رضی اللہ تعالیٰ عنہ سے بڑھ جاؤں گا اگر کبھی بڑھ سکتا ہوں گا لہذا میں اپنے تمام مال کا نصف لے کر حاضر خدمت ہوا آپ صلی اللہ علیہ وآلہ وسلم نے دریافت فرمایا تم نے اپنے اہل و عیال کے لئے کیا چھوڑا؟ میں نے عرض کیا میں جتنا لایا ہوں اسی قدر میں نے اہل و عیال کے لئے چھوڑ دیا ہے اس کے بعد ابوبکر رضی اللہ تعالیٰ عنہ اپنا تمام اثاثہ لے کر حاضر خدمت ہوئے آپ صلی اللہ علیہ وآلہ وسلم نے ان سے بھی پوچھا کہ اہل و عیال کے لئے کیا چھوڑا؟ انہوں نے جواب دیا ان کے لئے تو میں اللہ اور اس کا رسول صلی اللہ علیہ وآلہ وسلم چھوڑ آیا ہوں میں نے دل میں کہا ابوبکر میں تم سے کبھی کسی معاملہ میں نہ بڑھ سکوں گا۔